Hvað er að gerast?

11.07.14, 10:49

NÆTURLJÓÐ ÚR FJÖRÐUM

Yfir í Fjörðum allt er hljótt,
eyddur hver bær, hver þekja fallin.
Kroppar þar gras hjá grænni tótt
gimbill um ljósa sumarnótt.
Ókleifum fjöllum yfirskyggð
ein er þar huldufólksbyggð.

Bátur í vör með brostna rá
bíður þar sinna endaloka.
Lagði hann forðum landi frá
leiðina til þín um fjörðinn blá.
Aldrei mun honum, ástin mín,
áleiðis róið til þín.

Fetar þar létt um fífusund
folaldið sem í vor var alið.
Aldrei ber það um óttustund
ástina mína á vinarfund.

Grær yfir leiði, grær um stein,
gröfin er týnd og kirkjan brotin.
Grasrótin mjúka, græn og hrein,
grær yfir huldufólksins bein.
Grær yfir allt sem eitt sinn var,
ástin mín hvílir nú þar.

Böðvar Guðmundsson

Hvað er að gerast?

29.12.13, 10:24

Fjörðungar ehf. óska ferðafélögum gegnum árin og lands- mönnum öllum gleðilegs nýárs og þakka árið sem er að kveðja.

Hvað er að gerast?

05.09.13, 08:30

Göngum í Keflavík, Fjörðum, Leirdalsheiði og Trölladal var flýtt vegna slæms veðurútlits, gengið á tveimur dögum og réttað á Gljúfurárrétt föstudaginn 30. ágúst í stað 7. september eins og ætlað var.
Ótrúlega vel gekk að manna göngurnar með engum fyrirvara og minna varð úr veðrinu en spáð var.
Hér má sjá nokkrar myndir frá göngum og réttum.